Skip to Content

Markland

Áður en Leifur Eiríksson kemur að Marklandi koma þeir í eyju eða eyjaklasa sem fær nafnið Straumey sem í dag heitir Sanikiluaq, þar er Thule rúst og varða, íslensk, reist af Leif Eiríkssyni og mönnum hans.  Nafnið er að lýsa hinum mikla mun sem er á flóði og fjöru á staðnum, gott 14 metrar.  Þaðan fara þeir að landi í austur og koma að skógarmörkum.  Þarna eru Furðustrandir norður með landinu og suður.  Við suðurendann á Furðustöndum rennur á úr vatni einu úr austri, þeir sigla eða róa upp ósinn og inn í vatn sem þeir gefa nafnið Hóp.  Þarna eru Leifsbúðir.

  Á meðan Leifur Eiríkson er fyrir vestan skagann þá er Eiríkur rauði fyrir austan skagann sem þeir kalla Dýrsnes.  Þú ert að horfa á þennan skaga vestast á grunnmyndinni.  Nafnið Dýrsnes er til komið vegna mikils fjölda hreindýra sem sækir norður á þetta nes til að fæða og ala upp kálfa sína.  Þegar að haustar sækja dýrin suður á bóginn og inn að skógarmörkum.  Skinn þessara dýra verða ein helsta verslunarvara Marklands yfir til Evrópu.. 

Þarna á vesturströnd Marklands í Grænlandshafi/Hudson Bay er þorp Inuita sem ber heitið Puvirnituq.  Þar er Thule rúst og tvær vörður við ströndina og langt inn í landið, í austur.  Það er önnur Thule rúst við stað sem heitir Payne Lake og nokkrar vörður aðrar þar útfrá.  Nafnið Puvirnituq varðveitir gömul munnmæli um mikla plágu sem þarna kom upp og drap alla menn og er nafnið að lýsa lyktinni af rotnandi kjöti manna og dýra.   Plágan sem þarna kemur upp og fylgir skinnunum til Noregs og Evrópu er kölluð Militsbrandur.  Leifur Eiríksson og hans menn reisa nú vörðu fyrir ofan Leifsbúðir á eyju sem í dag heitir einfaldlega Vörðueyja.  Þarna eru þeir veturinn yfir en fara síðan til baka í Brattahlíð í Eiríksey og segja sögu sína um hið dularfulla Vinland og gæði þess við Hópið og þar fyrir sunnan. 

Út á þessar uppgötvanir fer Eiríkur rauði  aftur til Íslands til að fá menn út í þetta nýja og frjósama land hlunninda allra handa.  Þeir sem fara með Eiríki út til Grænlands eru fulltrúar landnema og lendeiganda frá suðurströnd Íslands, Faxaflóa, Breiðarfirði og Norðurlandi.  Flestar eru Thule rústirnar við Breiðarfjörð í Vestribyggð eða um 5  talsins sem þekkt er.  Mörk Marklands við Atlandshaf eru við Ánavík í Rangafirði sem í dag heitir Gæsaflói, þar var kirkja.  Nafnið Rangifjörður er tilkomið fyrir flækjuna við að sigla inn fjörðinn og aftur út, því maður fer gjarnan rangan fjörð út og þarf að snúa við.  



Drupal vefsíða: Emstrur