Skip to Content

Frakkland

    Eitt besta heimildarit um tengsl Frakka við Ísland er ritverk Elínar Pálmadóttur, Fransí Biskví.  Það segir sögu Frakka yfir í hlunnindi Íslands, fiskinn, allt aftur til ársins 1671  út frá helstu bæjum Normandy.  Þar er fjallað um skip og menn frá þessu gamla svæði Göngu Hrólfs en ekkert um sambandið við Normanna England en sú saga er þyrnum stráð.  Það er svo mikil dulúð yfir gömu ættarböndunum og blóðtengslum við Faxaflóa og Breiðafjörð upp á Íslandi við Normandy.

  Tengsl Normandy við Navarra og Basqa á Spáni og tengsl Normandy við Bristol og Írland er þó í sögur skráð.     Enn og aftur verða það náhvalstennur og tennur rostunga sem tengja saman gamla Grænland við ættarböndin í Normandy, ásamt lýsi, seltjöru og skreið.  Ég ætla að sambandið hafi verið komið á fljótlega upp úr árinu 1066 sem opna fyrir skipakomur til Normandy Frakka og Normandy Englendinga, Bristol, London og Rúðuborgar, allt gengur sinn vana gang fram til ársins 1314 þegar víðtæk hungursneið skellur á Frakkland, sumt vegna veðurs en annað vegna stjórnmálaóeirða og innri átaka gömlu konungsættanna í Englandi og Frakklandi með Normandy Frakka mitt í milli og því ótryggt að sigla inn á haf stríðandi afla. 

 Þetta árið gefur Frakkakóngur út handtökuskipun og líflátsskipun á alla Musterisriddara og veldi þeirra í Frakklandi en þar átti Reglan mjög margar stærstu landbúnaðarjarðir Frakkland sem nú verða foringjalausar. Allir flýja í allar áttir til Englands, Írlands, Spánar  og Portugals og taka með sér allt sem fémætt er. 

  Haustið 1307 átti reglan nokkur skip sem voru í höfn í La-Rochell ásamt nokkrum öðrum skipum sem sögð voru eign Reglunnar en voru í raun frá gamla Grænlandi.  Öll þessi skip hurfu nú út í veður og vind, yfir í skjól vinareglunnar í gamla Grænlandi, klaustrið St. Tómæ.  Nú fjölgaði í liðinu úti í gamla Grænlandi og afköstin við útgerð og dýraveiðar margfaldst fram að áfallinu mikla sem enginn hafði áður upplifað, bakteríur í skinnum frá Marklandi sem rústar öllu þar og í Evrópu.  En lífið hélt áfram sinn vana gang og menn í gamla Grænlandi snúa sér af ákafa að hvalveiðum með tilheyrandi afurðum. 

  Hér virkjast sambandið gamla við flóttamenn og auðæfi þeirra í Basqalandi sem árið 1412 eru komnir með fullan styrk um 20 skip í höfninni við Grundarfjörð uppi á Íslandi, á leiðinni til gamla Grænlands, til hvalveiða og viðskipta við íbúanna þar.  Það voru Íslendingar sem fyrstir sigldu beint frá gamla Grænlandi til Írlands, stefna og vegalengd þekkt, það voru því hæg heimatökin að sigla beint frá gamla Grænlandi og yfir til Basqalands og ættmennanna þar.



Drupal vefsíða: Emstrur