Skip to Content

England

Frá fornu fari hafa Íslendingar verið í siglinga og verslunarsambandi við England og Írland og verður London snemma bækistöð stjórnsýslu og viðskipta.  Sérhæfing starfsstétta í hinum ýmsu geirum viðskipta og þjónustu þróast í viðskiptavernd, verðstjórnun og launatryggingu starfsmanna, ásamt gæðastýringu vöruflokka til að hindra fúsk og svindl.  Þetta var sama þróunin í öðrum stærri borgríkjum í Frakklandi, Hollandi, Þýskalandi og víðar.  Sumir vöruflokkar voru fágætir og komu langt að.

  Það verða vörur frá gamla Grænlandi sem snemma fara að hafa truflandi áhrif á einokun þýsku borgríkanna í verslun með grávöru,(skinn), seltjöru og tannvöru.  Grávöru og tjöru höfðu Þjóðverjar fengið keypt frá Novagárd í Rússlandi en tannvöruna frá Bergen í Noregi.  Þessir vöruflokkar koma nú inn á markað í London í samkeppni við þýsku vörurnar sem sagðar eru komnar frá Íslandi.  Þetta verður upphaf mikilla átaka á milli þýskra kaupmanna og einokunarsölu Noregskonungs með Íslandsvörur.  Tennur rostunga og náhvals verða andvirði gulls margfalt og seldar þar sem tennur af Einhyrningum sem Íslendingar segjast kaupa af hreinum meyjum í Smámeyjalandi.  Apotekarar í London og víðar möluðu þessar tennur niður í duft sem átti að afeitra drykkjarvörur en eitur í drykk var algengasta morðaðferðin á þeim tíma.  Auðmenn keyptu þær heilar fyrir ástmeyjar sínar og konur til að vernda frjósemi og hjónabönd. 

Gull og silfur kemur einnig inn á markaðinn frá gamla Grænlandi í miklu magni.  Það verður til þess að Bristol kaupmenn hefja leit að þessu dularfulla gulllandi eða gulleyju í Atlandshafi um það leiti sem verslunarkerfi Normanna hrinur í Englandi.  Ekkert verður örlagaríkara en farmar af grávöru sem sagðir eru  frá Marklandi árið 1348.  Það blossar upp skæð sótt samtímis í Bergen, Bristol og klaustrum í Killkenny langt inni í landi í Suður Írlandi í einu Normanna verslunarvirkinu.  Sagan kallar þessa pest, Svarti dauði, eftir einkennum veikinnar á þeim látnu. 

Úti í Markalndi er sömuleiðis til útgáfa af fjöldadauða íbúanna þar á svæði sem Íslendingar kölluðu Dýranes en þar eru stærstu hjarðir hreindýra í gamla Grænlandi.  Því hefur löngum verið haldið fram að Evrópa hafi smitað Nýja Heiminn af öllum pestum og plágum á því svæði en ætli það hafi ekki verið á annan veg og Nýi Heimurinn og íbúarnir þar eða frekar dýrin þar sem framkölluðu fjöldadauða íbúa Evrópu af áður óþekktri stærðargráðu.  Ég ætla að þetta hafi verið stærsta verslunarslys sögunnar.



Drupal vefsíða: Emstrur